Mambajao, Camiguin – Isinagawa ng Camiguin Police Provincial Office ang Provincial Simultaneous Coastal Clean-up bandang 6:00 ng umaga sa Lagundi, Poblacion, Mambajao, Camiguin nito lamang Hulyo 7, 2022.
Ang aktibidad ay pinangunahan ni Guillermo Hamot, Hepe ng Police Community Affairs and Development Unit sa ilalim ng pamumuno ni Police Colonel Elias Hampac, Provincial Director ng Camiguin Police Provincial Office.
Ang layunin ng naturang aktibidad ay mabigyan ng kamalayan ang komunidad na panatilihing malinis at mapreserba ang likas na ganda ng karagatan ng buong isla ng Camiguin.
Isang paraan ng Camiguin PNP na hikayatin ang komunidad upang patuloy na makiisa at makilahok sa mga programang inilulunsad ng pamahalaan upang mapanatili ang kagandahan at kasaganahan ng likas na yaman ng naturang isla.
###
Patrolman Joshua Fajardo/ RPCADU 10
