Banaue, Ifugao – Nagsagawa ang Ifugao PNP ng Rescue at Road Clearing Operation sa Barangay Amganad, Poitan, Poblacion, Tam-an at Viewpoint, Banaue, Ifugao bandang 4:30 ng hapon, Hulyo 7, 2022.
Ayon kay Police Colonel James Mangili, Provincial Director ng Ifugao Police Provincial Office, ang operasyon ay agarang isinagawa ng mga tauhan ng Banaue Municipal Police Station, 2nd Ifugao Provincial Mobile Force Company katuwang ang Bureau of Fire Protection at Banaue Municipal Disaster Risk Reduction Management.
Ayon pa kay Police Colonel Mangili, nagdulot ng pagbaha at landslide ang patuloy na pag-ulan ng malakas kung saan ang mga kalsada ay nagmistulang ilog dahil sa mga baradong drainage.
Sa kabuuan, tatlo ang naitalang sugatan subalit nasa maayos nang kalagayan, 231 na bahay ang naitalang bahagyang nasira, dalawang bahay ang ganap na nasira.
Umabot naman sa 327 ang pamilyang naapektuhan ngunit karamihan ay piniling makitira sa kamag-anak kaya kakaunti ang bilang ng nasa evacuation center.
Walang naitalang nasawi pagkatapos ng sakuna.
Layunin nitong iligtas ang mga stranded na indibidwal at masagip ang mga sasakyang natangay ng malakas na agos dulot ng mudslide at baha.
Samantala, patuloy ang mga kapulisan kasama ang mga iba bang ahensya at mga volunteers sa pagsasagawa ng mga clearing operations sa mga kalsada, establisyimento at kabahayan na matinding naapektuhan sa nangyaring disaster.
Hinimok din nya ang mga residente na maging mapanuri, laging handa at makiisa sa panahon ng sakuna upang manatiling ligtas sa anumang oras.
Source: PNP Ifugao Banaue
###
Panulat ni PSSg Amyl Cacliong
