Tabogon, Cebu – Isang Community Outreach Program ang isinagawa ng Northern Cebu PNP at Tabogon LGU sa Mabuli Elementary School, Brgy. Mabuli, Tabogon, Cebu nito lamang Hulyo 6, 2022.
Ang aktibidad ay pinangunahan ng mga tauhan ng 701st MC sa ilalim ng direktang pangangasiwa ni Police Captain Gerald D Casalme, katuwang ang mga tauhan ng 1st PMFC, Tabogon Police Station, Tabogon PS Advisory Council, Hon. Cecilia Ladera, Barangay Captain, at KKDAT Officers.
Tinatayang nasa mahigit 275 na mga bata ang nabigyan ng pagkain at school supplies sa isinakatuparang aktibidad, tinalakay din sa nasabing programa ang Community Anti-Terrorism Awareness (CATA), Anti-Drugs Awareness, Coronavirus Awareness Response and Empowerment (CARE).
Inilunsad ang programa bilang pagdiriwang ng ika-27th Police Community Relations Month na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
“Gusto pud naku maging pulis puhon, para makatulong sa mga estudyante at sa ating nasud” tugon naman ng isa sa mga bata na naabutan ng tulong ng nasabing grupo.
Hinihikayat naman ng Northern Cebu PNP ang mga mamamayan na patuloy na makiisa sa mga aktibidad na inilunsad ng Pambansang Pulisya upang mas marami pa tayong mga kababayan ang mabigyan ng tulong upang kahit papaano ay maibsan ang hirap na kanilang nararanasan.
Layunin ng Pambansang Pulisya na patuloy na makapagbigay ng tulong sa ating mga kababayan lalong-lalo na sa mga bata na higit na nangangailangan.
###
