Enrile, Cagayan – Nagsagawa ng Tree Planting Activity ang Enrile PNP sa Barangay Inga, Enrile, Cagayan nito lamang Linggo, Hulyo 3, 2022.
Ang aktibidad ay pinangunahan ni Police Lieutenant Precil M Morales, Deputy Chief of Police ng Enrile Police Station katuwang ang Barangay-Based Advocacy Support Group na pinangunahan ni Hon. Christina Cuntapay, Barangay Captain.
Ang dalawang grupo ay nakapagtanim ng 30 cacao seedlings sa nabanggit na barangay.
Ito ay alinsunod sa PNP Core Values na “Makakalikasan”.
Layunin nitong itaas ang kamalayan ng komunidad sa kahalagahan ng pagtatanim para sa kinabukasan ng mga kabataan.
Hinikayat din ng PNP ang mga mamamayan na ingatan at alagaan ang mga puno at ipahayag ang pagmamalasakit sa kapaligiran upang mabawasan ang hindi magandang epekto ng pagbabago ng klima.
Source: Enrile PS
###
Panulat ni Police Staff Sergeant Donabel T Dulin
