Macalelon, Quezon – Arestado ang Top 1 Most Wanted Person ng CALABARZON sa kasong Rape sa isinagawang Manhunt Operation ng Quezon PNP nito lamang Linggo, Hulyo 3, 2022.
Kinilala ni Police Colonel Joel Villanueva, Provincial Director ng Quezon Police Provincial Office, ang suspek na si Dario De Mesa y Revilla, 40, at residente ng Brgy. Malabahay, Macalelon, Quezon.
Ayon kay PCol Villanueva, bandang 11:30 ng umaga naaresto ang suspek sa naturang lugar ng mga operatiba ng 2nd Quezon Provincial Mobile Force Company, Provincial Intelligence Unit-Quezon, Regional Intelligence Unit 4A PIT QZN, San Pablo City Police Station, 85th Infantry Battalion, 2nd Infantry Division, MICU at TOG4 TOWSOL, RID4A RIT Quezon.
Naaresto ang suspek sa bisa ng Warrant of Arrest para sa kasong 5 Counts of Rape sa ilalim ng Criminal Case No 30004-SP (21) hanggang 30008-SP(21) at walang inirekomendang piyansa.
Ang tagumpay ng PNP laban sa mga may pananagutan sa batas ay bunga ng pinaigting at aktibong pakikipagtulungan ng mamamayan para mapanatiling ligtas at maayos ang komunidad.
Source: Quezon Police Provincial Office-PIO
###
Panulat ni Patrolman Mark Lawrence Atencio
