Bolinao, Pangasinan – Arestado ng Bolinao PNP ang Top 4 Most Wanted Person (Municipal Level) sa kasong paglabag sa RA 7610 nitong Sabado, ika-2 ng Hulyo 2022.
Kinilala ni Police Lieutenant Colonel Resty S. Santos, Officer-in-Charge ng Bolinao Police Station ang suspek na si Richard Reyes y Delgado, 42 at residente ng Brgy. Catungi, Bolinao, Pangasinan.
Ayon kay PLtCol Santos, naaresto ang suspek bandang 11:00 ng umaga sa nabanggit na lugar ng mga operatiba ng Bolinao Police Station.
Ayon pa kay PLtCol Santos, naaresto ang suspek sa bisa ng Warrant of Arrest sa kasong paglabag sa RA 7610 o Special Protection of Children Against Abuse, Exploitation and Discrimination Act na may inirekomendang piyansa na Php200,000.
Ang pagkakaaresto sa suspek ay bunga ng pakikiisa ng mga mamamayan sa mga adhikain ng PNP na mahuli ang mga wanted persons upang mapanagot sa mga krimeng ginawa at mabigyang hustisya ang kanilang mga nabiktima.
Source: Bolinao PS
###
Panulat ni PSSg Bader Ceasar Ayco
