Laurel, Batangas – Arestado ang isang Barangay Konsehal sa paglabag sa RA10591 sa ikinasang operasyon ng Batangas PNP nitong Biyernes, Hulyo 1, 2022.
Kinilala ni Police Colonel Glicerio Cansilao, Provincial Director ng Batangas Police Provincial Office, ang suspek na si Danilo Atienza y Villanueva, 64, may-asawa, Brgy. Councilor at residente ng Sitio Lubluban Brgy. San Gregorio, Laurel, Batangas.
Ayon kay PCol Cansilao, bandang 7:00 ng umaga naaresto ang suspek sa naturang lugar ng pinagsanib na pwersa ng Provincial Intelligence Unit (PIU) Batangas PPO at Laurel Municipal Police Station.
Narekober sa suspek ang isang sling bag marked, isang unit ng Fabrique Nationale D’armes De Guerre Herstal – Belgique na may Serial No. 3540, isang live ammunition cal. 9mm loaded in the chamber, isang magazine ng cal. 9mm, at labing-isang live ammunitions ng cal 9mm.
Ang suspek ay nahaharap sa kasong paglabag sa Section 28 ng RA 10591 o Comprehensive Firearms and Ammunition Regulation Act (Illegal Possession of Firearm and Ammunitions).
“Patuloy naman ang Pambansang Pulisya sa mandato upang isagawa ang lahat ng operasyon at mapaigting pa ang kampanya laban sa kriminalidad”, ani PBGen Antonio Yarra.
Source: Batangas Police Provincial Office-PIO
###
Police Executive Master Sergeant Joe Peter Cabugon
