Davao City – Arestado ng Buhangin Police Station ang isang Most Wanted Person sa kasong 2 Counts of Rape by Sexual Assault sa Dumanlas, Buhangin, Davao City, noong Hulyo 1, 2022.
Kinilala ni PMaj Bernie Suaga, Station Commander ng Buhangin PS, ang suspek na si Allan Dionela Alag, 51, residente ng Green Alley, Dumanlas, Buhangin, Davao City na tinaguriang Top 2 Most Wanted Person sa Station Level.
Ayon kay PMaj Suaga, naaresto ang suspek sa bisa ng warrant of arrest na inihain ng tauhan ng Buhangin PS katuwang ang Davao City Mobile Force Company Intelligence (DCMFC INTEL).
Ayon pa kay PMaj Suaga, naaresto ang suspek sa kasong 2 Counts of Rape by Sexual Assault sa ilalim ng Article 266 na may inirekomendang piyansa na Php72,000 kada kaso.
Pinuri naman ni PBGen Benjamin Silo Jr., PRO11 Regional Director, ang pagsisikap ng Police Regional Office 11 at ang tagumpay ng nasabing operasyon dahil sa pagkakadakip sa mga Most Wanted Person sa Rehiyong Onse.
###
Panulat ni Patrolman Alfred Vergara
