Solana, Cagayan – Nagsagawa ng Clean-up Drive at Tree Planting Activity ang Solana PNP sa Barangay Lannig, Solana, Cagayan noong Hulyo 1, 2022.
Ayon kay Police Major Darwin John B Urani, Acting Chief of Police ng Solana Police Station, ganap na 6: 00 ng umaga inumpisahan ang Clean-up Drive na agad sinundan ng Tree planting Activity.
300 seedlings ng acacia, mahogany at narra ang naitanim sa nabanggit na lugar.
Ang aktibidad ay bilang suporta sa Clean and Green CPPO Dream na isa sa best practice ng Cagayan Police Provincial Office at alinsunod sa PNP Core Values na Makakalikasan.
Ito din ay bilang pakikiisa sa pagdiriwang ng ika-31st Anibersaryo ng Bureau of Jail Management and Penology (BJMP).
Kasama sa aktibidad ang mga tauhan ng BJMP sa pangunguna ni Jail Superintendent Crispin M Domangon Jr, Bureau of Fire Protection Solana, Philippine Drug Enforcement Agency, Staff of Parol and Probation, mga empleyado ng Lokal na Pamahalaan ng Solana, mga aktibong miyembro ng Kabataan Kontra Droga at Terorismo at KaligKasan Advocacy Support Group.
Magpapatuloy ang ganitong mga aktibidad na naglalayong pagtibayin ang ugnayan ng Pulisya at Komunidad sa pagharap at paglutas sa bawat suliranin kagaya ng climate change.
Source: Solana PS
###
Panulat ni Police Corporal Carla Mae P Canapi
