Loreto, Agusan del Sur – Nasakote ang Top 1 Regional Priority Target na pusher sa buy-bust operation ng Caraga PNP nito lamang Huwebes, Hunyo 30, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang nadakip na si Randy Abadiano, 53, residente ng Purok 1, Poblacion, Loreto, Agusan del Sur.
Ayon kay PBGen Caramat, bandang 5:30 ng hapon nang isagawa ang operasyon sa P-5, Brgy. Poblacion, Loreto, Agusan del Sur ng mga operatiba ng Loreto Municipal Police Station at Agusan del Sur Provincial Intelligence Unit.
Narekober kay Abadiano ang apat na heat-sealed transparent plastic sachet na tumitimbang ng 0.25 na gramo ng hinihinalang shabu, drug paraphernalia, isang itim na motorsiklo na Kawasaki CT125 MC, isang cellphone, Php3063 na cash, at dalawang pirasong Php1,000 bill na ginamit bilang boodle money.
Nahaharap nag suspek sa kasong paglabag sa R.A.9165 o Comprehensive Dangerous Drugs Act of 2002.
Patuloy ang Caraga PNP sa pag-aresto sa mga taong sangkot sa ilegal na droga, upang maligtas ang mga mamamayan sa panganib na dinudulot ng pinagbabawal na gamot.
###
Panulat ni Patrolman Jhunel Cadapan/RPCADU13
