Matagumpay na naisagawa ng mga tauhan ng Pilar Municipal Police Station ang “The Palugaw ni Hepe Program” sa Barangay Lumbay, Pilar, Bohol nito lamang ika-30 ng Hunyo 2022.
Ang nasabing aktibidad ay pinangunahan ni Police Lieutenant Geonzon Romulo, Chief of Police ng Pilar Municipal Police Station katuwang ang mga tauhan nito.
Ang nasabing aktibidad ay nakapagbigay ng food packs at libreng gupit sa mahigit 100 na mga bata ng Barangay Lumbay.
Layunin ng Pilar PNP na matulungan ang mga residente sa kanilang nasasakupan lalo na ang mga bata upang mas maipadama ang malasakit at pagmamahal ng Pambansang Pulisya at mas lalong tumibay ang naumpisahang magandang ugnayan.
###
Panulat ni Patrolman Carl Philip L Galidos
