Lalaking Wanted sa kasong Frustrated Murder, arestado ng PNP-CIDG sa Bacolod City
Bacolod City – Arestado ang isang lalaki sa isinagawang Oplan Pagtugis ng Criminal Investigation and Detection Group (CIDG) Iloilo Provincial Field Unit, nito lamang Huwebes, ika-30 ng Hunyo, 2022.
Kinilala ni PCol Joseph Ian Lofranco, Hepe ng Regional Field Unit 6, ang suspek na si Efren Samillano Equira, 27, walang asawa, residente ng Brgy. Magallon Cadre, Moises Padilla, Negros Occidental.
Ayon kay PCol Lofranco, ang suspek ay nahuli sa Bangga 9, Barangay Sum-ag, Bacolod City ng mga tauhan ng CIDG Iloilo Provincial Field Unit katuwang ang CIDG Negros Occidental PFU, Regional Special Operating Team-CIDG RFU6, Hinigaran Municipal Police Station at Bacolod City Police Office, Station 9.
Ayon pa kay PCol Lofranco, naaresto si Equira sa bisa ng Warrant of Arrest sa kasong Frustrated Murder na may rekomendadong piyansa na Php200,000 para sa kanyang pansamantalang kalayaan.
Ang pagkahuli sa naturang suspek ay isang patunay lamang na ang PNP-CIDG ay ginagawa ang lahat ng kanilang makakaya upang mahuli ang mga taong may pananagutan sa batas.
###
