Negros Occidental – Tinatayang nasa Php340,000 halaga ng shabu ang nasabat sa buy-bust operation ng Silay Component City Police Station (SCCPS), Station Drug Enforcement Team nito lamang ika-30 ng Hunyo 2022.
Kinilala ni Police Lieutenant Colonel Mark Anthony D Darroca, Officer-in-Charge ng Silay Component City Police Station, ang suspek na si Arvin Delos Reyes y Faldas, 39, residente ng Acacia Boulevard, Barangay Mambulac, Silay City, Negros Occidental.
Ayon kay PLtCol Darroca, nahuli ang suspek sa nabanggit na lugar ng mga operatiba ng Station Drug Enforcement Team ng SCCPS matapos magbenta sa isang pulis posuer-buyer ng isang sachet ng hinihinalang shabu na nagkakahalaga ng Php600.
Ayon pa kay PLtCol Darroca, nakumpiska mula sa suspek ang ilang sachet ng hinihinalang shabu na may timbang na 50 gramo na nagkakahalaga ng Php340,000.
Nahaharap ang suspek sa paglabag sa Republic Act 9165 o Comprehensive Dangerous Drugs Act of 2002.
Sinisiguro ng Silay Component City Police Station na paiigtingin ang operasyon nito laban sa ilegal na droga upang agad na mahuli at mapanagot ang mga taong lumalabag sa batas.
###
