Iligan City – Arestado ang magkapatid na suspek sa pagpatay sa isang pulis sa Iligan City sa isinagawang operasyon ng Iligan PNP nito lamang Miyerkules, Hunyo 29, 2022.
Kinilala ni Police Brigadier General Benjamin Acorda, Regional Director ng Police Regional Office 10, ang nadakip na magkapatid na suspek na sina Marvin Canalita alyas “Ganggang”, drayber ng motorsiklo sa insidente at George Canalita, na nagsilbing look-out at pawang mga residente sa Purok 20, Scions, Brgy. Tominobo, Iligan City.
Ayon kay PBGen Acorda, nadakip ang mga suspek sa naturang lugar ng mga tauhan ng Iligan City Police Office at City Intelligence Unit sa bisa ng Search Warrant no. 061s at 061-As.
Ayon pa kay PBGen Acorda, nakumpiska sa naturang operasyon ang isang fragmentation grenade, isang unit ng mobile phone, isang unit fragmentation hand grenade, isang replika ng M16 rifle at isang nutshell helmet na may nakadikit na hairpiece wig.
Pahayag naman ni PBGen Acorda, “The information coming from our informant and intel operatives served as basis for the issuance of Search Warrant. That is why the cooperation and sufficient support of the community really help our police in capturing criminals. Justice has now been served to the family of the late police officer and we hope na mas madami pa tayong mahuli na mga kriminal para makamit din ng iba ang hustisya na kanilang hinahangad.”
###
Patrolman Joshua Fajardo/ RPCADU 10
