Solano, Nueva Vizcaya – Naghandog ng Pabahay Project ang Nueva Vizcaya PNP sa Barangay Dadap, Solano, Nueva Vizcaya noong Hunyo 29, 2022.
Ayon kay Police Colonel Ranser A Evasco, Provincial Director ng Nueva Vizcaya Police Provincial Office, ang benepisyaryo ay si Ginoong Florentino B Ariola, hiwalay sa asawa, may limang anak, walang permanenteng trabaho at kabilang sa 4Ps.
Maliban sa pabahay ay nakatanggap din ang benepisyaryo ng kitchen utensils, beddings, upuan, plastic cabinet, kalan, dining table, bigas, groceries at iba pang mga gamit sa bahay.
Naging panauhing pandangal si Police Colonel Mariano C Rodriguez, Chief, Regional Staff ng Police Regional Office 2.
Kanyang pinuri ang mga Novo Vizcayano Cops dahil sa kanilang mga magagandang proyekto sa tulong at suporta ng lokal na pamahalaan ng Solano.
Dumalo din sa aktibidad sina Mayor Eufemia A Dacayo ng nabanggit na bayan, mga miyembro ng Nueva Vizcaya Women in the Police Service Organization, Nueva Vizcaya Officers’ Ladies Club sa pangunguna ni Mrs. Aida T Evasco, Adviser; My Brother Keeper Life Coaches-Nueva Vizcaya Chapter; at mga opisyal ng barangay Dadap.
Layunin nitong paglingkuran ang mga pamilyang salat sa buhay sa tulong at suporta ng mga nagkawang-gawa at nagkusang-loob na stakeholders.
Source: Nueva Vizcaya PPO
###
Panulat ni Police Corporal Carla Mae P Canapi
