Naujan, Oriental Mindoro – Nagsagawa ng PNP Community Outreach Program ang mga tauhan ng Regional Community Affairs and Development Division MIMAROPA sa Brgy. Bancuro, Naujan, Oriental Mindoro nito lamang Hulyo 1, 2022.
Ang aktibidad ay pinangunahan ni Police Lieutenant Colonel Benigno Sumawang, Chief, Complaints and Referral Monitoring Center, RCADD MIMAROPA, kasama ang PSFTP Class 2012-02 Talino at Lakas ng Isang Mandirigma ng Bayan (TALIMBAYAN), Regional Police Community Affairs and Development Unit MIMAROPA (RPCADU) at mga Barangay Officials.
Ang aktibidad ay kaugnay sa 27th Police Community Relations Month Celebration na may temang “Ugnayang Pulisya at Komunidad Tungo sa Mapayapa, Maayos at Maunlad na Pamayanan”.
Umabot sa 35 benepisyaryo na Alangan Tribe of Mangyan ang nabigyan ng food packs, tinapay at mainit na sopas para sa kanilang pang-umagahan.
Lubos naman na nagpapasalamat ang mga kapatid nating Alangan Tribe of Mangyan sa natanggap nilang tulong mula sa ating mga kapulisan.
Layunin ng aktibidad na magbigay ng tulong sa mga taong nangangailangan at iparamdam ang pagmamahal sa kanila ng walang anumang kapalit lalo na ngayong panahon ng pandemya.
Ang PNP ay handang tumulong sa anumang paraan at sa abot ng kanilang makakaya upang magbigay serbisyo sa ating mga kababayan.
Source : RCADD MIMAROPA
###
Panulat ni Patrolman Erwin Calaus
