Carmen, Cebu – Naging matagumpay ang isinagawang Turn-over Ceremony ng Tindahan mo, Ablihan ni Tsip at Feeding Program ng Carmen PNP sa Brgy. Poblacion, Carmen, Cebu noong ika-29 ng Hunyo 2022.
Ang nasabing programa ay pinangunahan ni Police Major Eric C Gingoyon, Hepe ng Carmen Municipal Police Station, kasama ang naging pangunahing pandangal at tagapagsalita ng programa na si Hon. Rashid B. Tacocong, Municipal Councilor.
Dumalo rin sa naturang aktibidad ang Municipal Advisory Council Member-Legal Sector, Atty. Rofel B. Kiamco, mga miyembro nito at iba pang mga natatanging panauhin.
Ayon naman kay Police Major Gingoyon, ang “Tindahan mo, Ablihan ni Tsip” ay isang proyekto na binuo ng Carmen MPS kasangga ang kanilang mga stakeholders na naglalayong patuloy na makapaghatid ng tulong at matugunan ang pangangailangan ng mga Carmenanon.
Dagdag pa ni Police Major Gingoyon, ang benepisyaryo ng naturang proyekto ay tatanggap ng Mini-store at mga grocery items.
Lubos naman ang pasasalamat ng kinilalang pangalawang benepisyaryo ng proyekto na si Nanay Julia Pepito, isang caroler or “manaygonay”, at may tinataguyod na anak na isang PWD at tatlong mga apo.
Samantala, kasabay ng aktibidad ay isinagawa naman ang isang Feeding Program sa mga residente ng nabanggit na lugar.
Maliban sa pagpapanatili ng kapayapaan at seguridad ng ating mga kababayan, hangad din ng PNP na maipaabot at maipadama ang pagkalinga at pagmamahal na nagmumula sa mga sumusuporta sa mga programa ng naturang ahensya.
###
