Mati City, Davao Oriental – Arestado sa isinagawang buy-bust operation ng mga tauhan ng PNP at PDEA ang Top 5 High Value Individual Regional Level, noong Hunyo 29, 2022.
Kinilala ni PLtCol Ernesto Gregore, Chief of Police, Mati City Police Station, ang suspek na si Kenneth Dave Dela Questa Gubalani, 23, residente ng Niceville Subd., Purok Pomelo, Brgy. Cagangohan, Panabo City, Davao del Norte.
Ayon kay PLtCol Gregore, nahuli ang mga suspek dahil sa pinagsamang puwersa ng Mati CPS, Regional Police Drug Enforcement Unit 11, Regional Intelligence Division – Provincial Intelligence Team, Regional Intelligence Unit Provincial Intelligence Team, Provincial Intelligence Unit Davao Oriental Police Provincial Office, at Philippine Drug Enforcement Agency – Davao Oriental.
Dagdag pa ni PLtCol Gregore, nakuha mula sa mga suspek ang tatlong pakete na naglalaman ng hinihinalang shabu na may bigat na humigit kumulang 11 gramo na may Street Market Value na Php74,800, isang .45 caliber pistol na may apat na bala at isang magazine, dalawang wallet, isang sling bag, at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act at Republic Act 10591 o Comprehensive Firearms and Ammunition Regulation Act.
Samantala, sa pangunguna ni PBGen Benjamin Silo Jr., Regional Director, Police Regional Office 11 ang PRO11 ay hindi titigil na hulihin ang lahat ng High Value Individual sa Rehiyon at kampanya nito kontra sa ilegal na droga upang tuluyan ng maging drug-free ang rehiyon.
###
Panulat ni Patrolman Preal Cris Edosma
