Daet, Camarines Norte – Arestado ang isang lalaki sa isinagawang Entrapment Operation ng Regional Anti-Cybercrime Unit 5 at Daet PNP sa kasong paglabag sa Article 282 o Grave Threat na may kaugnayan sa RA 9262 nitong Martes Hunyo 28, 2022.
Kinilala ni Police Colonel Dennis Rellata, Hepe ng Regional Anti-Cybercrime Unit 5, ang suspek na si Rael Gomez y Olesea, 38, single, residente ng E. Bonifacio Street, Barangay Poblacion 1, Daet, Camarines Norte.
Ayon kay PCol Rellata, nadakip ang suspek bandang alas-4:40 ng hapon sa St. Joseph Compound, Barangay 1, Daet, Camarines Norte ng pinagsanib na tauhan ng RACU5 at Daet Municipal Police Station.
Ayon pa kay PCol Rellata, nakuha mula sa suspek ang isang yunit ng Oppo Mobile Phone na pinaniniwalaang ginamit sa krimen na may nakalagay na simcard at isang MIO na motorsiklo na kulay black/gray na may plakang 639UIC.
Dagdag pa ni PCol Rellata, bago ang nasabing operasyon, nagreklamo ang isang 28 anyos na biktima sa Camarines Norte PCRT Office na siya ay pinagbantaan ng suspek na dati niyang kasintahan na ikakalat o ipo-post ang kanyang mga hubo’t hubad na larawan at video sa social media kung hindi siya sumunod sa kanya.
Ang Pambansang Pulisya ay patuloy na poprotektahan at isusulong ang karapatan ng mga kababaihan.
Source: RACU5
###
Panulat ni Patrolman Jomar Danao
