Asipulo, Ifugao – Nagsagawa ng Outreach Program ang Ifugao PNP sa Camandag Elementary School, Asipulo, Ifugao noong Hunyo 30, 2022.
Ang programa ay pinangunahan ng 1st Ifugao Provincial Mobile Force Company sa pamumuno ni Police Lieutenant Denver S Litdog, Officer-in-Charge kasama ang Asipulo Municipal Police Station sa pamumuno ni Police Lieutenant Jackson K Nginhena, Deputy Chief of Police.
Ayon kay Police Lieutenant Litdog, sila ay nagbigay ng mga gamit pang-eskwela, libreng gupit at pagkain sa mga mag-aaral ng nasabing paaralan.
Ang programang ito ay may temang “Ang Kabataan ang Pag-asa ng Bayan”.
Labis ang pasasalamat ng mga magulang, guro at mga kabataan sa binigay na biyaya at serbisyo ng mga kapulisan sa nasabing paaralan.
Layunin ng nasabing programa na magbigay ng tulong, serbisyo, saya at pag-asa sa mga kabataan ng nasabing paaralan lalo na sa mga liblib na lugar.
Source: Uno Ifugao PMFC CAD
###
Panulat ni Pat Doctor
