Western Bicutan, Taguig City — Arestado ang isang construction worker matapos mahulihan ng improvised na baril sa isinagawang checkpoint ng Western Bicutan Police Sub-Station 2 nito lamang Huwebes, Hunyo 30, 2022.
Kinilala ni PBGen Jimili Macaraeg, Southern Police District Director, ang suspek na si Rebico Alingasa y Cati-an, 32 anyos.
Ayon kay PBGen Macaraeg, bandang alas-12:10 ng madaling araw naaresto si Alingasa sa Duhat St., corner Sampaguita St., Brgy. Kanlurang Bicutan ng mga tauhan ng Western Bicutan Police Sub-Station 2.
Ayon pa kay PBGen Macaraeg, nakita ang suspek na aktwal na may hawak at kontrol ng improvised na baril at kargado ng tatlong live ammunition ng cal. 38 revolver.
Mahaharap si Alingasa sa kasong paglabag sa RA 10591 o Comprehensive Firearms and Ammunition Regulation Act.
Ang mga nakuhang ebidensya ay itinurn-over sa SPD Forensic Unit para sa ballistics examination.
Ang PNP ay 24/7 alerto at mabilis na aaksyon sa anumang kriminalidad sa ating komunidad.
Source: SPD PIO
###
Panulat ni PSSg Remelin M Gargantos
