Iriga City, Camarines Sur – Boluntaryong sumuko ang lalaking suspek sa pagpatay sa 15 anyos na dalagita sa himpilan ng Iriga City PNP sa Camarines Sur nito lamang Hunyo 27, 2022.
Kinilala ni Police Lieutenant Colonel Carl Joseph Jaucian, Officer-in-Charge ng Iriga City Police Station, ang sumuko na isang 18 anyos na binata, pinsang buo ng biktima, residente ng Zone 6, Barangay San Pedro, Iriga City, Camarines Sur.
Ayon kay PLtCol Jaucian, habang nagsasagawa ng follow-up investigation at hot pursuit ang himpilan ng Iriga CPS ay kusang sumuko at inamin ng akusado ang krimen.
Ayon pa kay PLtCol Jaucian, pinatay ng suspek ang kanyang pinsang buo na 15 anyos, Grade 9 student at residente ng nasabing lugar dahil sa simpleng hindi pagkakaunawaan.
Ang napatay na dalagita ay matatandaang natagpuan ang bangkay sa gitna ng malawak na maisan sa kabukiran ng Barangay San Pedro bandang 2:30 ng hapon noong Hunyo 25, 2022.
Samantala, itutuloy ng pamilya ng biktima ang pagsasampa ng kasong murder sa kaanak na suspek.
Itinuturing naman ng Iriga CPS na case solved ang karumaldumal na krimen.
Source: Iriga CPS
###
Panulat ni Patrolman Rodel Grecia
