Maitum, Sarangani Province – Nagsagawa ang mga tauhan ng PNP ng Ugnayan sa Barangay kaugnay ng “Project Juana” Program para sa mga kababaihan na ginanap sa Brgy. Malalag, Maitum, Sarangani Province noong Martes, ika-28 ng Hunyo 2022.
Kabilang sa nakiisa ang Regional Community Affairs and Development Division katuwang ang Regional WCPD, Regional Special Training Unit 12 at Maitum Municipal Police Station.
Ang aktibidad ay pinangunahan ni PLt Genesis Bosabica, Chief, Community Affairs Section.
Ang unang bahagi ng programa ay pinasimulan sa pagbibigay ng impormasyon patungkol sa Anti-Violence Against Women and their Children Act of 2004 (R.A 9262).
Kasabay nito ay namahagi rin ang PNP ng mga food packs at relief goods para sa humigit 50 na kababaihang Indigenous People.
Lubos namang nagpapasalamat ang mga naging benepisyaryo dahil sa isinagawang pagbisita ng PNP at pagbibigay kaalaman.
Layunin ng PNP na makatulong kahit sa simpleng paraan, upang makapaghatid ng serbisyo publiko sa gitna ng nararanasang pandemya sa bansa.
###
Panulat ni Patrolwoman Vanessa Gomez
