Eastern Samar – Boluntaryong sumuko sa Eastern Samar PNP ang isang miyembro ng Communist Terrorist Group (CTG) sa Can-avid, Eastern Samar noong Sabado, Hunyo 25, 2022.
Kinilala ni Police Colonel Matthe L Aseo, Provincial Director ng Eastern Samar Police Provincial Office ang sumuko na si “Ka Romy”, 41, residente ng Brgy. Ang, Cagmanaba, Jipapad, Eastern Samar at kasama ang kanyang common-law wife.
Ayon kay PCol Aseo, si “Ka Romy” ay isang regular na miyembro ng Communist Terrorist Group na nakatalaga bilang squad leader ng Squad 1 sa ilalim ng command ni Carlito Guadiana na kilala rin bilang Carding/Bong na tumatakbo sa hilagang bahagi ng Eastern Samar na may Platoon code name: HARABAS ng F3 (Pier Tres), Sub-regional Committee ARCTIC, Eastern Visayas Regional Party Committee.
Kasabay ng kanyang pagsuko ang dalawang pirasong improvised explosive device, isang unit ng revolver caliber 38 na naglalaman ng anim na live ammunitions at ilang mahahalagang dokumento.
Ayon pa kay PCol Aseo, napag-alaman na si “Ka Romy” ay may standing warrant of arrest sa kasong murder na naka-docket sa ilalim ng CC No. 2017-02 na inihain sa Regional Trial Court, Branch 5, Oras, Eastern Samar at nakalista bilang Top 2 Most Wanted Person Provincial Level.
Ang tagumpay na ito ay produkto ng walang humpay na intelligence operation ng mga tauhan ng Can-avid Municipal Police Station sa pangunguna ni Police Lieutenant Allan J Calceta, Officer-in-Charge at mga operatiba mula sa Provincial Intelligence Unit sa pagpapatupad ng Executive Order No. 70 (NTF-ELCAC).
Ang Eastern Samar PNP ay laging handang tanggapin ang ating mga kapatid na gustong isuko ang kanilang mga armas at tuligsain ang kanilang katapatan sa mapanlinlang na organisasyon ng NPA.
###
Panulat ni Patrolwoman Rialyn B Valdez
