Davao City – Arestado ang isang babae sa kasong paglabag sa Anti-Photo and Video Voyeurism Act of 2009 ng puwersa ng PNP sa Brgy. Centro R. Castillo St., Agdao, Davao City, noong Hunyo 27, 2022.
Kinilala ni PMaj Jake Goles, Station Commander ng Sta. Ana Police Station ang suspek na si Houlic Sims, 30, residente ng Sitio Lawis Brgy. Centro R. Castillo St., Agdao, Davao City.
Ayon kay PMaj Goles, naaresto ang suspek sa bisa ng Warrant of Arrest sa kasong paglabag sa Republic Act 9995 o Anti-Photo and Video Voyeurism Act of 2009 na may inirekomendang piyansa na Php70,000.
Dagdag pa ni PMaj Goles, naaresto ang suspek ng pinagsamang tauhan ng Sta. Ana PS at Regional Anti-Cyber Unit XI katuwang ang Davao City Police Cyber Response Team sa pangunguna ni PMaj Julius Santilana.
Samantala, nagpaalala naman ang PNP na ang pagkuha ng litrato o video ng sinumang indibiwal ng walang pahintulot ay labag sa batas.
###
Panulat ni Patrolman Alfred Vergara
