Solana, Cagayan – Timbog ang isang Top 10 Regional Priority Target ng PNP-PDEA sa buy-bust operation ng Cagayan PNP nito lamang Sabado, Hunyo 25, 2022.
Kinilala ni Police Colonel Renell Sabaldica, Provincial Director ng Cagayan Police Provincial Office, ang suspek na si Jack Besa Bunagan, alyas “Palos”, 33, may asawa, construction worker, residente ng Brgy. Maddarulug Sur, Enrile, Cagayan at kasama sa PNP-PDEA Regional Priority Top 10 sa High Impact Police Operation.
Ayon kay PCol Sabaldica, nadakip ang suspek sa Brgy. Palao, Solana, Cagayan ng pinagsanib na puwersa ng Regional Drug Enforcement Unit, Cagayan at Intel Operative/SDEU ng Solana Police Station matapos magbenta ng isang pakete na naglalaman ng hinihinalang shabu na tinatayang may timbang na .05 gramo at nagkakahalaga ng Php10,000 sa isa sa ahente /operatiba na umaktong poseur buyer.
Dagdag pa ni PCol Sabaldica, nakumpiska mula sa suspek ang 500 gramo ng hinihinalang dahon at tangkay ng marijuana na nagkakahalaga ng Php75,000, isang piraso ng Php1,000 bill boodle money na ginamit bilang buy-bust money, isang unit ng vivo cellphone, at isang unit ng Motoposh motorcycle na walang plaka.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Samantala, patuloy naman ang PNP sa pagsasagawa ng ganitong operasyon upang wakasan na ang ilegal na droga at kriminalidad sa buong bansa.
Source RPIO 2
###
Panulat ni Police Corporal Jermae D Javier
