Antipolo City, Rizal – Arestado ang isang babae sa patong patong na kaso sa isinagawang operasyon ng Antipolo PNP nito lamang Biyernes, Hunyo 25, 2022.
Kinilala ni Police Lieutenant Colonel June Paolo Abrazado, Acting Chief of Police ng Antipolo City Police Station, ang suspek na si Rachelle Panlaqui, 35, negosyante, residente ng #76 Carolina Avenue, Carolina Village, Brgy. Sta. Cruz, Antipolo City.
Ayon kay PLtCol Abrazado, bandang 7:05 ng gabi naaresto ang suspek sa Sumulong Highway, Brgy. Sta. Cruz, Antipolo City ng mga operatiba ng Antipolo CPS.
Ayon pa kay PLtCol Abrazado, naaresto si Panlaqui sa bisa ng Warrant of Arrest para sa mga kasong paglabag sa Batas Pambansa 22 (Bouncing Check) na may inirekomendang piyansa na Php120,000; Estafa (2 Counts) na may inirekomendang piyansa na Php30,000 at Php18,000; at Qualified Theft (Falsification of Commercial Documents – 6 Counts) na may inirekomendang piyansa naman na Php194,000.
Ang tagumpay ng PNP laban sa mga may pananagutan sa batas ay bunga ng pinaigting at aktibong pakikipagtulungan ng mamamayan para mapanatiling maayos at ligtas ang komunidad.
Source: Antipolo City Police Station
###
Panulat ni Police Executive Master Sergeant Joe Peter Cabugon
