Zamboanga City – Arestado ang isang lalaki sa isinagawang Manhunt Charlie Operation ng Zamboanga PNP sa kasong 3 Counts of Frustrated Murder nito lamang Linggo, Hunyo 26, 2022.
Kinilala ni PCol Alexander Lorenzo, Chief of Police ng Zamboanga City Police Office, ang suspek na si Ban Sali Ubbie, 47, may asawa, residente ng Brgy. Arena Blanco, Zamboanga City.
Ayon kay PCol Lorenzo, bandang 8:15 ng gabi nang maaresto ang suspek sa Brgy. Arena Blanco, Zamboanga City sa pinagsanib na puwersa ng mga operatiba ng 1st Zamboanga City Mobile Force Company at 84th Special Action Force, Zamboanga City Police Office-Station 6.
Ayon pa kay PCol Lorenzo, naaresto si Ubbie sa bisa ng Warrant of Arrest sa kasong 3 Counts of Frustrated Murder sa ilalim ng Criminal Case No. 10904 -10924 at walang inirekomendang piyansa.
Narekober mula sa suspek ang apat na short firearms at mga bala.
Ang Pambansang Pulisya ay patuloy sa mandato na ipatupad ang batas at siguraduhin ang kaligtasan ng mamamayan.
###
Panulat ni Patrolman John Ronald Tumonong/RPCADU 9
