Naga City, Camarines Sur – Tinatayang Php4.3 milyong pisong halaga ng hinihinalang shabu ang nakulimbat sa isang babaeng negosyante sa isinagawang High Impact Operation ng PDEA at PNP nitong Biyernes ng gabi Hunyo 24, 2022.
Kinilala ni Police Colonel Nelson Pacalso, City Director ng Naga City Police Office, ang suspek na si Cherylle Eleria y Lelis, 46, isang negosyante, may asawa at residente ng Deca Homes Subdivision, Bagumbayan Norte, Naga City.
Ayon kay PCol Pacalso, si Eleria ay nahuli sa Zone 5, Jacob Putol, Bagumbayan Sur, Naga City ng pinagsanib na pwersa ng PDEA Camarines Sur, Sorsogon PPO, Masbate PPO at Naga City Police Office sa isinagawang High Impact Operation.
Ayon kay PCol Pacalso, ang naaresto ang itinuturong supplier ng shabu sa lungsod at mga kalapit na lugar. Nakuha mula rito ang tinatayang nasa 600 gramo na hinihinalang shabu na tinatayang nagkakahalaga ng Php4,300,000.
Nahaharap si Elaria sa kasong paglabag sa RA 9165 o Comprehensive Dangerous Drugs Act of 2002.
Ang PNP PRO 5 ay ipagpatuloy ang walang patid na pagsisikap upang linisin ang komunidad sa pagkakaroon ng ilegal na droga.
Source: Naga City Police Office
###
Panulat ni Patrolman Jomar Danao
