Laoag City, Ilocos Norte – Nagsagawa ng feeding program ang Laoag City PNP sa Brgy. 1 Muslim Compound, Laoag City, Ilocos Norte nito lamang Sabado, Hunyo 25, 2022.
Ayon kay Police Lieutenant Colonel Joemar Q. Labiano, Chief of Police ng Laoag City Police Station, nakiisa din ang Ilocos Norte United Muslim (INUMA) at Kalipi Women Advocacy Group na pinangunahan ni Ms. Khay Ali sa pag-oorganisa ng naturang aktibidad.
Humigit-kumulang 40 kabataan na Muslim ang nakatanggap ng miki, pansit, at juice sa nasabing lugar.
Layunin nitong mapangalagaan ang kalusugan ng mga bata.
Ang PNP ay laging handa sa pagbigay ng pangunahing serbisyo sa mga mamamayang labis na naapektuhan ng pandemya lalo na ang mga bata.
Source: Laoag City Police Station
###
Panulat ni Patrolman Viljon Comilang
