Columbio, Sultan Kudarat – Malugod na tinanggap ng Columbio PNP ang isang Unit ng Toyota Hilux bilang donasyon ng pamahalaan ng Columbio, Sultan Kudarat nito lamang araw ng Hunyo 27, 2022.
Pinangunahan nila Hon Amirh Musali, Acting Mayor at Hon. Tondatu Mangudadatu, Elected Mayor ng Munisipalidad ng Columbio, Sultan Kudarat ang turn-over ceremony ng donasyon ng isang Unit ng Toyota Hilux sa Columbio Municipal Police Station sa pamumuno ni PMaj Jessie Silva Jr, Chief of Police.
Kaakibat nito, gagamitin ang nasabing sasakyan upang palakasin ang pagsusumikap ng PNP para labanan ang anumang uri ng kriminalidad sa kanilang nasasakupan.
Lubos naman na nagpapasalamat si PMaj Silva Jr. sa ipinakitang suporta ng pamahalaang panlalawigan lalo na sa pagbibigay ng sasakyan na gagamitin ng PNP sa pagpapanatili ng kapayapaan at kaayusan sa naturang lalawigan.
###
Panulat ni Patrolman Khnerwin Jay A Medelin
