Pasay City — Todas ang isang wanted na miyembro ng Communist Terrorist Group (CTG) habang isa namang pulis ang nasawi at sugatan ang isang opisyal nito makaraang mauwi sa engkwentro ang pagsisilbi ng Warrant of Arrest sa Pasay City noong Biyernes, Hunyo 24, 2022.
Kinilala ni PLtGen Vicente Danao Jr., OIC PNP, ang suspek na si Hubert Aplacador alyas “Panggoy,” nakatira sa P Santos, Brgy. 157 Malibay, Pasay City.
Ayon kay PLtGen Danao Jr, dakong 4:40 ng madaling araw isinilbi ang Warrant of Arrest kay Panggoy sa P Santos, Brgy. 157 Malibay, Pasay City sa pinagsanib na puwersa ng Masbate 2nd Provincial Mobile Force Company at Pasay City Police Station.
Bitbit ng mga operatiba ang Warrant of Arrest ng suspek sa kasong Murder na inissue ng RTC Branch 49 Fifth Judicial Region Cataingan, Masbate nang mang-agaw ng baril at malapitang nakipagbarilan ang suspek.
Sa naturang operasyon, napaslang si Panggoy subalit sugatan rin ang isang opisyal na si Police Lieutenant Rogelio Walay samantala idineklarang dead on arrival sa ospital ang isang operatiba nito na si PSSg Nikki Cordera.
Base sa ulat, ang napaslang na suspek ay miyembro ng rebeldeng komunista mula Masbate na nagtago sa Pasay City.
Ikinalungkot naman ni OIC PNP Danao ang pagkasawi ng isa namang miyembro ng PNP na maayos lamang na nagpatupad ng kanyang tungkulin upang makapagbigay ng hustisya.
“Our police personnel tried to serve the warrant peacefully but the suspect was armed and was violent. Thus, the operating groups had to defend themselves. It is unfortunate that one of our comrades died while fulfilling his duty as a law enforcer. This is the risk that goes along with our job in ensuring a criminal-free and crime-free community,” pahayag ni PLtGen Danao Jr.
Source: Police-Big Brother
###
Panulat ni PSSg Remelin Gargantos
