Nagsagawa ng buy-bust operation ang mga Kapulisan ng Police Regional Office 7 sa Brgy. Poblacion, Lapu-Lapu City, na nagresulta sa pagkakasabat ng 15 kilos ng hinihinalang shabu na may tinatayang halaga na Php102,000,000 nito lamang Sabado, Hunyo 25, 2022.
Kinilala ni Police Brigadier General Roque Eduardo DP Vega, Regional Director ng PRO 7, ang mga nahuling suspek na sina Eric Bacalso Felisilda, 46, residente ng Block 13, Lot 23, Rosas St. Ilang-ilang, Lindaville Subdvision, Tagbilaran City, Bohol at Neil James Plaza Vallesquina alyas “Bolantoy”, 28, residente ng Langkaan, Dasmariñas, Cavite.
Ayon kay PBGen Vega, ang mga suspek ay kabilang sa High Value Individual ng Police Regional Office 7.
Ayon pa kay PBGen Vega, naaresto ang mga suspek bandang 10:15 ng umaga sa Muelle Osmeña Wharf, Brgy. Población, Lapu-Lapu City ng mga operatiba ng City Intelligence Unit at City Drug Enforcement Unit ng Lapu-Lapu City Police Office sa pangunguna ni Police Major Joey Mallare Bicoy, Chief, CDEU, LCPO; Police Lieutenant Noah L Anana kasama si Police Lieutenant Colonel Jul Mohammad Jamiri, Chief, CIU, LCPO mula sa direktang pangangasiwa ni Police Colonel Arnel Banzon, City Director, LCPO.
Dagdag pa ni PBGen Vega, nakuha mula sa mga suspek ang hindi bababa sa 15 kilos ng hinihinalang shabu na may tinatayang halaga na Php102,000,000; isang back pack; dalawang paper bag; isang sack bag; labing limang piraso ng Tea Bag; isang unit ng samsung phone at buy-bust money.
Ang nasabing operasyon ay kaugnay sa isinagawang buy-bust operation noong Hunyo 13, 2022 na nagresulta sa pagkakaaresto kay Madam Aya at pagkakakumpiska ng 4 na kilo ng shabu.
Pahayag naman ni PBGen Vega, “Mapipilayan na sila ngayon dahil unti-unti ng bumabagsak sa kamay ng pulisya ang mga tao o grupo na responsable sa ilegal na mga kalakalan ng droga dito sa kabisayaan. Hahabulin ko kayo at wala kayong kawala sa batas!”.
###
