San Emilio, Ilocos Sur – Arestado ang isang Wanted Person sa Ilocos Sur sa Kasong Statutory Rape at 4 counts ng Lascivious Conduct nitong ika-24 ng Hunyo 2022.
Kinilala ni Police Captain Joseph Bantullay, Officer-in-Charge ng San Emilio Municipal Police Station, ang suspek na si Nero Sanico y Sonian, 41, residente ng Sitio Masiosioay, Brgy. Matibuey, San Emilio, Ilocos Sur.
Ayon kay PCpt Bantullay, naaresto ang suspek bandang 1:05 ng hapon sa Brgy. Mayabo, Tubo, Abra sa pinagsanib na puwersa ng San Emilio MPS, Tubo MPS, Ilocos Sur Police Provincial Office at Abra PPO.
Ayon pa kay PCpt Bantullay, naaresto ang suspek sa bisa ng Warrant of Arrest sa kasong Statutory Rape na walang inirekomendang piyansa at 4 counts ng Lascivious Conduct na may inirekomendang piyansa na Php400,000.
Ang pagkakaaresto sa suspek ay bunga ng pakikiisa ng mga mamamayan sa adhikain ng PNP na mahuli ang mga wanted persons upang mapanagot sila sa mga krimeng ginawa.
Source: San Emilio Municipal Police Station
###
Panulat ni PSSg Bader Ceasar Ayco
