Eastern Samar – Kusang-loob na sumuko sa Eastern Samar PNP ang isang aktibong miyembro ng Communist National Terrorist Group sa Sitio Burong, Brgy. 4. Poblacion., Can-avid, Eastern Samar noong Miyerkules, Hunyo 22, 2022.
Kinilala ni Police Colonel Matthe L Aseo, Provincial Director ng Eastern Samar Police Provincial Office ang sumuko na si alyas “Ka Pane” na isang 22 anyos, binata at residente ng Brgy. San Pascual, Dolores, Eastern Samar.
Ayon kay PCol Aseo, si Ka Pane ay itinalaga bilang miyembro ng squad sa ilalim ng alyas Dario bilang CO, na nag-ooperate sa lugar ng Maslog, Arteche, at Jipapad Eastern Samar at Lapinig hanggang Gamay Northern Samar ng F3 Sub-Regional Committee Arctic of Eastern Visayas Regional Party Committee (EVRPC), sa pangunguna ni Carlito Guadina alyas Karding bilang kalihim.
Ayon pa kay PCol Aseo, ang pagsuko ni alyas “Ka Pane” ay resulta ng pagsisikap ng Intel personnel ng Can-avid Municipal Police Station sa pamumuno ni Police Lieutenant Allan J Calceta, Officer-in-Charge kasama ang Eastern Samar Provincial Intelligence Unit at PIT Eastern Samar, RIU8.
Dagdag pa ni PCol Aseo, sa pamamagitan ng pagpapatupad ng Executive Order No. 70 (NTF ELCAC), boluntaryong sumuko si “Ka Pane” sa PNP at ngayon ay nasa ilalim ng pansamantalang proteksyon ng Can-avid MPS, PIT E. Samar at PIU ESPPO bago ang resulta ng validation ng Joint AFP-PNP Intelligence Committee (JAPIC) at ang karapatan sa nararapat na benepisyo ng buo at complete package ng Enhanced- Comprehensive Livelihood Program (E-CLIP).
Ang pagsuko ni “Ka Pane” ay nagpapakita lamang ng magandang resulta ng pursigidong pagkumbinsi ng pamahalaan at kapulisan ng Eastern Samar sa mga teroristang grupo at patunay na nagpapakita ng epektibong pagsulong sa kampanya laban sa terorismo ng National Task Force to End Local Communist Armed Conflict o NTF-ELCAC.
###
Panulat ni Patrolwoman Rialyn B Valdez
