Bacolod City – Nasabat ang nasa Php102,000 na halaga ng shabu sa isang suspek na nasakote sa buy-bust operation ng pulisya noong ika-21 ng Hunyo, 2022.
Kinilala ni Police Captain Elmer Bonilla, Hepe ng Police Station 7, ang naarestong suspek na si Dennis Cajuyong y Lo, 45, residente ng Brgy. Mansilingan, Bacolod City.
Ayon kay PCpt Bonilla, nahuli ang suspek sa Jackfruit Street, Purok Paglaum, Barangay Mansilingan, Bacolod City ng mga operatiba ng Police Station 7 matapos magbenta ito ng hinihinalang shabu kapalit ng Php500.
Ayon pa kay PCpt Bonilla, nakuha kay Cajuyong ang 8 plastic sachets ng hinihinalang shabu na may timbang na humigit kumulang 15 gramo at may halagang Php102,000.
Ang suspek ay nahaharap sa kasong paglabag sa R.A. 9165 o Comprehensive Dangerous Drugs Act of 2002.
Pinuri naman ni PBGen Flynn E Dongbo, Regional Director ng Police Regional Office 6 ang mga tauhan ng Bacolod City Police Office para sa patuloy na operasyon at kampanya laban sa ilegal na droga sa syudad ng Bacolod.
###
