Bacnotan, La Union – Arestado ng La Union PNP ang Top 1 Most Wanted Person (Provincial Level) noong ika-21 ng Hunyo, 2022.
Kinilala ni Police Major Jeofrey E Sanchez, Hepe ng Bacnotan Municipal Police Station, ang suspek na si Alfredo Runas Jr y Llobera, 31, may-asawa, walang trabaho, residente ng Brgy. Poblacion, Bacnotan, La Union.
Ayon kay PMaj Sanchez, bandang 4:15 ng hapon naaresto ang suspek sa Brgy. Nagsimbaanan, Bacnotan, La Union sa pinagsamang operasyon ng Bacnotan MPS at Provincial Intelligence Unit.
Ayon pa kay PMaj Sanchez, ang suspek ay naaresto sa bisa ng Warrant of Arrest sa kasong Statutory Rape (RA 8353); 3 counts ng Acts of Lasciviousness at Sexual Abuse ng Sec. 5 (B) ng RA 7610 at walang rekomendadong piyansa.
Ang La Union PNP ay patuloy sa pagpapaigting ng kanilang kampanya kontra kriminalidad upang tiyakin na ligtas at payapa ang mga lugar at mamamayan na kanilang nasasakupan.
Source: Bacnotan Municipal Police Station La Union
###
Panulat ni Patrolman Dennis P Carinal
