Lambayong, Sultan Kudarat – Narekober ng Sultan Kudarat PNP ang ninakaw na Raider FI 150 matapos maaresto ang dalawang motornapper sa isinagawang hot pursuit operation sa Lambayong, Sultan Kudarat noong Ika-22 ng Hunyo 2022.
Kinilala ni Police Major Jenahmeel Tañacao, Acting Chief of Police ng Lambayong Municipal Police Station, ang mga suspek na sina Zahriya Asilon Abo, 37, may asawa, walang trabaho at Jehad Asilon Sampulna, 27, may asawa, walang trabaho kapwa residente ng Brgy. Linamunan, Talayan, Maguindanao.
Ayon kay PMaj Tañacao, nakatanggap ng ulat ang kanilang tanggapan mula sa isang menor de edad na biktima na tinangay umano ng dalawang suspek ang kanyang Raider FI 150 Motorcycle bandang alas 11:40 ng umaga partikular sa Charmiyam Restaurant, Purok Waya-waya, Barangay Poblacion Lambayong at tumakas patungo sa Barongis, Maguindanao.
Dagdag pa ni PMaj Tañacao, naaresto ang mga suspek sa isinagawang Hot Pursuit Operation ng Lambayong MPS; 1st Sultan Kudarat Provincial Mobile Force Company kasama ang 14th Mechanized COY, Philippine Army.
Sa ngayon, ang mga suspek at ang narekober na motorsiklo ay nasa kustodiya na ng nasabing himpilan para sa dokumentasyon at tamang disposisyon.
###
Panulat ni Patrolman Khnerwin Jay A Medelin
