Antipolo City – Nagsagawa ng Community Outreach Program/Livelihood Activity ang CALABARZON PNP sa Brgy. San Isidro Annex, Antipolo City nito lamang Martes, Hunyo 21, 2022.
Pinangasiwaan ang naturang aktibidad ng Regional Community Affairs and Development Division (RCADD) PRO 4A katuwang ang Provincial Community Affairs and Development Unit (PCADU) sa pakikipagtulungan sa City Community Affairs and Development Section (CCADS) ng Antipolo City Police Station sa pamumuno ni Police Lieutenant Colonel June Paolo Abrazado, Acting Chief of Police at A.C.C.E.R.T. Force Multipliers.
Namahagi ang naturang grupo ng kaalaman patungkol sa Gender and Development; Republic Act 9262 at Magna Carta for Women, End Local Community Armed Conflict (ELCAC) at Drug Awareness Campaign.
Samantala, nagturo rin ng dishwashing at fabric conditioner making ang A.C.C.E.R.T. Force Multipliers para dagdag kita sa mga kababaihan ng San Isidro.
Labis ang tuwa at pasasalamat ng 50 kababaihan ng Brgy. San Isidro na dumalo matapos makatanggap ng relief packs na naglalaman ng bigas, noodles, canned goods, towels, blankets, manicure kit at hygiene kit at sa kaalaman na kanilang natutunan sa nasabing aktibidad.
Hinihikayat ng PNP ang mamamayan na patuloy na suportahan ang mga programa ng pamahalaan upang maging maayos at maunlad ang komunidad.
###
Panulat ni Police Executive Master Sergeant Joe Peter Cabugon
