Maguindanao – Nauwi sa engkwentro ang paghahain ng Warrant of Arrest kung saan patay ang pitong suspek, apat ang arestado at isang pulis naman ang sugatan sa Brgy. Mileb, Radjah Buayan, Maguindanao nito lamang Miyerkules, Hunyo 22, 2022.
Kinilala ni Police Lieutenant Colonel Ernor Melgarejo, Deputy Chief, CIDG BAR, ang mga napatay na suspek na sina Turkey Utto Latip na may Warrant of Arrest sa kasong Frustrated Murder at Most Wanted Person ng CIDG RFU BAR; Taras Utap Utto, 48; Baldo Bangingen Kalipa, 48; Tato Kali Bualan, 34; Keton Salembao, 40; Tho Sangeban, 36, at Haron Akmad, 63.
Kinilala naman ang mga naarestong suspek na sina Katendeg Mustapha na may Warrant of Arrest sa kasong Robbery with Homicide; Datu Ali Kalipa, 29; Madz Upam Edza, 51, na pawang mga residente ng Brgy. Baital, Radjah Buayan, Maguindanao at Ed Akmad Ambal, 26, na residente naman ng Tuka Mamasapano, Maguindanao.
Ayon kay PLtCol Melgarejo, nang ihahain na ang Warrant of Arrest laban sa dalawang Wanted Person ay bigla na lamang pinaputukan ng mga suspek ang mga operatiba na nagresulta sa pagkasugat ng isa sa mga Pulis dahilan para gumanti ng putok ang mga operatiba mula sa CIDG Regional Field Unit-BAR Maguindanao Provincial Field Unit; Regional Intelligence Division at Regional Special Operations Group ng PRO BAR; 1404th Regional Mobile Force Company; Regional Intelligence Unit – Intelligence Group; Radjah Buayan Municipal Police Station at PNP-Maritime Unit – BAR.
Dagdag pa, narekober sa pinangyarihan ng krimen ang dalawang Homemade Barret; isang Garand; isang Improvised Garand; isang M203 Grenade Launcher; isang M16A1 Rifle; isang M16A1 Rifle with attached M203 Tube; isang 9mm Ingram; isang M14 Rifle; walong Clips na may walong bala para sa Garand; isang clip na may anim na bala para sa Garand; dalawang Magazines para sa 9mm Ingram at isang magazine ng M16.
Dinala sa CIDG RFU-BAR ang apat na naarestong suspek at ang mga narekober na ebidensya para sa dokumentasyon at kaukulang disposisyon.
Ang PNP ay patuloy sa pag-aresto sa mga Wanted Person upang mabigyang hustisya ang mga naging biktima at mapanatili ang mapayapang komunidad.
###
Panulat ni Patrolman Charlie Nasroden Corpuz
