Pinukpuk, Kalinga – Arestado ng Cordillera PNP ang Top Most Wanted Person sa kasong Rape sa Pinukpuk, Kalinga nito lamang Miyerkules, Hunyo 22, 2022.
Kinilala ni Police Major Lee Alvin Alinao, Chief of Police ng Pinukpuk Municipal Police Station, ang suspek na isang 20 anyos, residente ng Pinukpuk, Kalinga.
Ayon kay PMaj Alinao, naaresto ang suspek sa nabanggit na lugar sa pinagsamang puwersa ng Pinukpuk Municipal Police Station, Kalinga Regional Intelligence Unit 14, 1503rd Maneuver Company Regional Mobile Force Battalion 15, Provincial Intelligence Unit Kalinga, Regional Intelligence Division PROCOR, Regional Drug Enforcement Unit/ Regional Special Operations Group at 1st Kalinga Provincial Mobile Force Company.
Ayon pa kay PMaj Alinao, naaresto ang suspek sa bisa ng Warrant of Arrest sa paglabag sa RA 8353 o Anti-Rape Law of 1997 kaugnay sa RA 7610 o Special Protection of Children Against Abuse, Exploitation and Discrimination Act na walang inirekomendang piyansa.
Ang Pambansang Pulisya ay hindi titigil sa paghahanap at pag-aresto ng mga taong may pananagutan sa batas upang makamit ng mga biktima ang hustisya sa pamamagitan ng pakikipagtulungan at pagtitiwala ng mamamayan sa PNP.
###
Panulat ni Patrolman Raffin Jude Suaya
