Camarines Norte – Nagkaloob ng isang libong tilapia fingerlings ang Vinsonz Municipal Police Station sa Brgy. Sto. Domingo, Camarines Norte nito lamang Hunyo 17, 2022.
Ang aktibidad ay pinangunahan ni Police Major Eva Guiruela, Chief of Police ng Vinzons MPS katuwang ang PNP Anti-Cybercrime Group Camarines Norte, Barangay Officials at ilang residente ng nasabing lugar.
Layunin nito na hikayatin ang mga residente na pangalagaan at panatilihing malinis ang kapaligiran lalo na ang mga sapa sa lugar na maaari nilang pagkunan ng makakain at karagdagang kita o pangkabuhayan.
Laking pasasalamat ng mga opisyales ng nasabing barangay sa pagpili sa kanilang lugar na maging recipient ng programa. Malaking tulong ito para sa kanilang mga residente lalo na sa kanilang pang-araw-araw.
Source: Vinzons MPS
###
Panulat ni Police Corporal Shiear “Kye” Vellasquez-Ignacio
