Bilang bahagi ng paghahanda upang masiguro ang ligtas at payapang halalan 2022, naging matagumpay ang pagsisikap ng Police Regional Office Bangsamoro Autonomous Region (PRO BAR) sa pagsuko ng isang Potential Private Armed Group (PPAG) sa Datu Salibo, Maguindanao.
Ang ABC Group ay isang DI Listed active PPAG na pinamumunuan ni Abdulwaris Guinomla Zailon at dalawa (2) nitong miyembro na sina Rahib Paguilidan Salim, 34 anyos, residente Shariff Saydona, Mustapha; at isang alyas “Combo”.
Kabilang sa kanilang isinuko ay ang isang calibre .45 pistol; isang calibre .38 revolver; isang (1) homemade pistol revolver; at mga bala.
Samantala, nagbalik-loob din ang limang (5) miyembro ng Bangsamoro Islamic Freedom Fighter (BIFF) na sina alyas “Rambo”, alyas “Mistah”, alyas “Yobi”, alyas “Binladen”, at Mohiden Animbang alyas “Karialan”.
Kasamang isinuko ang kanilang armas na dalawang (2) M79 grenade launcher; isang (1) M79 GL na may tatlong(3) bala; isang (1) RPG na may isang (1) bala; at isang (1) IED na may 81mm mortar.
Anila, naging dahilan ng kanilang pagsuko ang walang patutunguhang pakikipaglaban sa pwersa ng pamahalaan.
Ayong kay PRO BAR Regional Director, PBGen Eden Ugale, ang pagsuko ng nasabing mga miyembro ng BIFF ay resulta ng collaborative effort ng ibat ibang yunit ng PNP, AFP at lokal na pamahalaan ng Datu Salibo.
Personal namang iniabot ni Datu Salibo Vice Mayor Herodin Guiamano ang cash assistance at relief goods sa mga mga dating rebelde kasabay ng panawagan sa kanila na ipagpatuloy nila ang kanilang mga pagbabagong buhay.
Ipapasok ang mga sumuko sa AGILA-HAVEN ng Provincial Government ng Maguindanao upang matulungan sila para sa tuloy-tuloy na pagbabagong-buhay.
#####
Article by Police Corporal Josephine T Blanche
