Ballesteros, Cagayan – Naghandog ng Project Bike o Bisikleta ang Ballesteros PNP sa isang ginang na Aeta sa Barangay Centro East, Ballesteros, Cagayan nitong lamang Hunyo 17, 2022.
Ang masuwerteng benepisyaryo ng proyekto ay si Ginang Marilyn Corpuz, 39 at mag-isang itinataguyod ang tatlong anak.
Ang proyektong ito ay inisyatibo ni Police Major Marlou Del Castillo, Hepe ng Ballesteros Police Station.
Layunin ng proyekto na makakatulong sa mga Aeta Indigenous Group para maibsan ang bigat ng nilalako araw-araw.
Maliban sa bisikletang may sidecar ay binigyan din si Ginang Corpuz ng mga prutas at gulay na kanilang ibebenta upang panimulang pangkabuhayan.
Source: Cagayan Police Provincial Office
###
Panulat ni Police Corporal Carla Mae P Canapi
