Maramag, Bukidnon – Tinatayang nasa Php1,285,000 milyong halaga ng shabu ang nasabat sa isang High Value Individual ng Bukidnon PNP nito lamang ika-19 ng Hunyo 2022.
Kinilala ni Police Brigadier General Benjamin Acorda Jr, Regional Director ng Police Regional Office 10, ang suspek na si Sir Knight D Espiritu, alyas “Epoy”, 42, PDEA Top 5 Provincial Level priority target, at residente ng Purok 9, North Poblacion, Maramag, Bukidnon.
Ayon kay PBGen Acorda, naaresto ang suspek bandang 9:40 ng gabi sa bisa ng Search and Seizure Warrant para sa kasong paglabag sa RA 9165 o Comprehensive Dangerous Drugs Act of 2002 sa Purok 9, North Poblacion, Maramag, Bukidnon sa pinagsanib na pwersa ng Regional Special Operation Unit 10, 1st at 2nd Bukidnon Police Mobile Force Company at 1003rd Maneuver Company Regional Mobile Force Battalion 10.
Ayon pa kay PBGen Acorda, nakumpiska kay Espiritu ang anim na transparent heat-sealed sachets na naglalaman ng hinihinalang shabu na tumitimbang ng 185 gramo na nagkakalahaga ng Php1,285,000 at iba pang drugs paraphernalia.
Mahaharap ang suspek sa paglabag sa Republic Act 9165 o Comprehensive Dangerous Drugs Act of 2002.
“Tuloy-tuloy pa din ang ating kampanya laban sa ilegal na droga. Ang ating mga kapulisan ay 24/7 na nagsusubaybay lalo na sa ilang lugar dito sa region 10 kung saan minsan ay naglipana ang pag-gamit sa ilegal na droga”, ani ni PBGen Acorda.
###
Panulat ni Patrolman Edwin Baris/RPCADU 10
