Kalibo, Aklan – Isinuko ng isang concerned citizen ang isang M203 40MM na granada sa mga tauhan ng 1st Aklan Provincial Mobile Force Company nitong Hunyo 15, 2022 sa Kalibo, Aklan.
Ayon kay Police Lieutenant Colonel Donnel Regis, Force Commander ng 1st Aklan PMFC, ng nasabing concerned citizen ay residente ng C. Laserna, Purok 4, Kalibo, Aklan.
Ayon pa kay PLtCol Regis, ang isinukong granada ay bunsod ng kampanya ng pulisya sa pagsasagawa ng mga diyalogo kaugnay sa Anti- Terrorism at E-CLIP ng pamahalaan.
Ang isinukong granada ay agad na naicoordinate sa Kalibo MPS para sa karagdagan pang dokumentasyon, at naiturn-over sa 1st Aklan PMFC para sa safekeeping.
Samantala, hinimok naman ni PLtCol Regis ang iba pang mga residente na makipag-coordinate agad sa awtoridad sakaling mayroong mga ilegal na kagamitan.
###
