Bilang patunay sa masigasig at seryosong kampanya ng Pambansang Pulisya na wakasan ang insidente ng pang-aabuso sa mga kababaihan at mga bata, isinagawa ng Police Regional Office 2 ang Simultaneous Induction of Men Opposed to Violence Against Women Everywhere (MOVE) Officers noong Oktubre 25, 2021.
Pinangunahan ni PBGen Steve B Ludan, Regional Director ng Valley Cops, na kinatawan ni PBGen Edgar D Cacayan, Deputy Director for Adminstration, ang sabayang panunumpa ng mga opisyales sa naturang programa.
25 ang dumalo sa PRO 2 Grandstand, Camp Marcelo A Adduru, Tuguegarao City, Cagayan, habang ang iba naman ay birtwal na lumahok via Zoom.
Nanumpa ang nasa 707 MOVE officers na pawang mga kalalakihang PNP personnel upang maging advocates at katuwang ng PNP sa pagbabantay at pagsupil sa mga insidente ng pang-aabuso sa mga kababaihan at mga bata.
Samantala, kaugnay ng nasabing programa, nagbahagi ng kaalaman sina Mr. Mark Dieron C. Tumabao, GAD Focal Person ng Philippine Information Agency 2; at Mr. Mac Paul V. Alariao, Project Development Officer III ng DSWD.
Source: PRO2
#####
 Article by Police Corporal Carla Mae P Canapi
