Siniloan, Laguna – Arestado ang Top 1 Most Wanted Person (Municipal Level) sa isinagawang operasyon ng Siniloan PNP nito lamang Martes, Hunyo 14, 2022.
Kinilala ni Police Colonel Cecilio Ison Jr, Acting Provincial Director ng Laguna Police Provincial Office, ang suspek na si Torremutya Kahulugan, 24, walang trabaho, residente ng Brgy. Wawa, Siniloan, Laguna.
Ayon kay PCol Ison, bandang 9:30 ng umaga naaresto ang suspek sa naturang barangay ng mga operatiba ng Siniloan Municipal Police Station sa bisa ng Warrant of Arrest sa kasong 2 Counts of Qualified Theft.
Ang tagumpay ng PNP laban sa mga may pananagutan sa batas ay bunga ng pinaigting at aktibong pakikipagtulungan ng mamamayan para sa ligtas at maayos na komunidad.
###
Panulat ni Police Executive Master Sergeant Joe Peter Cabugon
