Caloocan City – Nasabat ang mahigit Php10 milyong halaga ng shabu sa isang High Value Individual (HVI) sa buy-bust ng Caloocan City Police Station nito lamang Huwebes, Hunyo 16, 2022.
Kinilala ni PBGen Ulysses Cruz, Northern Police District Director ang suspek na si Zaida Amod, 45, at residente ng Phase 12 Barangay 188 Tala, Lungsod ng Caloocan.
Ayon kay PBGen Cruz, naaresto si Amod bandang alas-8:00 ng umaga sa kanyang residential area sa pinagsanib pwersa ng OCOP-DEU at 6th MFC RMFB-NCRPO.
Narekober mula kay Amod ang isang medium at anim na small knot-tied transparent plastic bag na pinaniniwalaang shabu na humigit-kumulang 1,600 gramo na nagkakahalaga ng Php10,880,000; isang unsealed empty transparent plastic bag; genuine Php1,000; at 139 piraso na Php1,000 boodle money.
Mahaharap si Amod sa kasong paglabag sa R.A. 9165 o Comprehensive Dangerous Drugs Act of 2002.
Tinitiyak ni PBGen Cruz na ang NPD ay lalong paiigtingin ang kampanya laban sa ilegal na droga at ipapatupad ang intensitibong operasyon sa Lungsod ng CAMANAVA.
SOURCE: NPD PIO
Panulat ni Police Corporal Fuensalida
