San Jose, Occidental Mindoro – Nagsagawa ng PNP Community Outreach Program ang mga tauhan ng 1st Platoon 1st Occidental Mindoro Provincial Mobile Force Company sa Tibago Elementary School, Sitio Tibago, Brgy. Pawican, San Jose, Occidental Mindoro noong Hunyo 15, 2022.
Ang aktibidad ay pinangunahan ni Police Lieutenant Felifran Mae Ello, Platoon Leader ng 1st Platoon 1st OccMin PMFC, katuwang ang mga Rotaract Club of San Jose “Kabataan Kontra Droga at Terorismo”.
Ang programa ay may temang “Rising Above to Fight COVID” Make Tomorrows Meaningful: Extend a Helping Hand.
Umabot sa 135 na piling mag-aaral ng Tibago Elementary School ang nabigyan ng Body Thermal Scanner, Facemask, Alcohol, Sanitizing Liquid Soap at 5 sako ng semento para sa paaralan. Binigyan din ang mga mag-aaral ng macaroni soup at fruit juice.
Layunin nitong maghatid ng mga pangunahing serbisyo sa mga mamamayan lalo na sa mga bata.
Patunay na ang PNP ay handang tumulong sa anumang paraan at sa abot ng kanilang makakaya upang magbigay serbisyo sa ating mga kababayan.
Source : FirstPmfc Pcr OccMin
###
Panulat ni Patrolman Erwin Calaus
